Шығармашыл оқушылар арасындағы XІ «Ақберен» республикалық өнер байкауының қорытындысы

2024 жылғы 13-15 қараша аралығында Астана қаласындағы № 9 «Зерде» мамандандырылған мектеп базасында 8-11 сынып оқушылары арасында шығармашыл оқушыларға арналған  XІ республикалық «Ақберен» өнер байқауының қорытынды кезеңі өтті. Байқауға еліміздің әр өңірінен 120-дан астам өнерпаз оқушы қатысты.

         Байқаудың мақсаты: шығармашыл оқушылардың гуманитарлық-эстетикалық ғылымдар саласында кәсіптік қызметін таңдауға шығармашылық қабілетті, өлең жазу, тапқырлық қырын, дарындылығын таныту, олардың шығармашылық қабілеттеріне  қолдау көрсетіп, ары қарай дамытуына жол ашу.

         Қорытынды кезеңге Ақмола облысынан 6 оқушысы қатысты:

1. «Ұлттық аспапта өнер көрсету» номинациясы бойынша - Изатулла Қорғасбек – Целиноград ауданы, Талапкер ауылы жалпы орта білім беретін мектебінің 9-сынып оқушысы;
2.  «Ақындар мүшәйрасы» номинациясы бойынша Сэрэкболатұлы Сәттібек – Ерейментау ауданы, Еркіншілік ауылы жалпы орта білім беретін мектебінің  10-сынып оқушысы;
3. «Ақындар айтысы» номинациясы бойынша Елешұлы Нұрғиса - Бұланды ауданы, Қараөзек ауылының жалпы орта білім беретін мектебінің  9-сынып оқушысы;
4. «Эссе жазу» номинациясы бойынша Елай Унай - Ерейментау ауданы, Өлеңті ауылының жалпы орта білім беретін мектебінің  9-сынып оқушысы;
5. «Көркемсөз оқу» номинациясы бойынша Орынбасар Әжігүл - Қосшы қаласының №2 жалпы орта білім беретін мектебінің  8-сынып оқушысы;
6. «Шешендік, білгірлік сайысы» номинациясы бойынша  Еркенова Бақытгүл - Бурабай ауданы, Зелёный бор ауылының мектеп-гимназиясының 9-сынып оқушысы. 

         Байқау қорытындысы бойынша І-дәрежелі дипломмен «Ұлттық аспапта өнер көрсету» номинациясы бойынша Целиноград ауданы, Талапкер ауылы жалпы орта білім беретін мектебінің 9-сынып оқушысы Изатулла Қорғасбек марапатталды.

         ІІ-дәрежелі дипломмен «Ақындар мүшәйрасы» номинациясы бойынша Ерейментау ауданы, Еркіншілік ауылы жалпы орта білім беретін мектебінің  10-сынып оқушысы Сэрэкболатұлы Сәттібек марапатталды.

         Шын жүректен құттықтаймыз және одан әрі шығармашылық табыс тілейміз!!!