Ақмола облысының оқушылары "Елбасы медалі" қола жүлдесіне ие болды"

19 наурыз күні Достық үйінде Ақмола облысының әкімі Ермек Маржықпаев жобаның 41 финалисіне қола медаль табыстады. Қалған жеңімпаздар тұрғылықты жері бойынша марапаттарға ие болды.

"Елбасы медалі" - елдің ең ауқымды challenge, қатысуға 14 пен 29 жас аралығындағы жастар шақырылады. Қатысушылар қола, күміс немесе алтын қатысу деңгейлерін таңдап, 6 айдан 18 айға дейінгі бағдарламаны бастауы керек. Осы уақыт ішінде жастар өз дағдыларын 7 бағытта дамытады: спорт, таланттар мен дағдылар, кітап оқу, ұлттық мұра, еріктілік, экспедициялар мен жорықтар, еңбек тәжірибесі.

Оған қатыса отырып, жастар өз уақыттарын басқаруға, мақсаттар қоюға және оларға жүйелі түрде қол жеткізуге, салауатты өмір салтын ұстануға және үнемі өзін-өзі дамытуға үйренеді.

2020 жылы Ақмола облысынан жобаға қатысуға 1032 өтінім келіп түсті, 259 қатысушы тіркелді. "Елбасы медалі" бағдарламасына қатысушыларды марапаттау жөніндегі комиссия отырыстарының нәтижелері бойынша (2020 жылғы желтоқсан, 2021 жылғы қаңтар) Ақмола облысынан келген 94 қатысушы қола медальдармен марапатталды.

"Елбасы медалі" жобасына қатысуға қабылдау жалғасуда!

 Деңгейді таңда және "Елбасы медалі" жобасымен бірге көшбасшылардың жаңа буынына қосыл!