АҚМОЛА ОБЛЫСЫ БІЛІМ БАСҚАРМАСЫНЫҢ "АҚМОЛА ДАРЫНЫ" ДАРЫНДЫ БАЛАЛАР МЕН ТАЛАНТТЫ ЖАСТАРДЫ АНЫҚТАУ ЖӘНЕ ҚОЛДАУ ОРТАЛЫҒЫ" КММ  
АҚМОЛА ОБЛЫСЫ БІЛІМ БАСҚАРМАСЫНЫҢ "АҚМОЛА ДАРЫНЫ" ДАРЫНДЫ БАЛАЛАР МЕН ТАЛАНТТЫ ЖАСТАРДЫ АНЫҚТАУ ЖӘНЕ ҚОЛДАУ ОРТАЛЫҒЫ" КММ  

Ақмола облысы бойынша мамандандырылған мектептерге конкурстық іріктеуді өткізу бойынша ақпарат

04.06.2021

Еліміздегі өңірлер бойынша 2021 жылғы 1-20 маусым аралығында офлайн-тестілеу форматында өткізілетін 70 мамандандырылған мектепке конкурстық іріктеу басталды. Биыл бұл конкурсты «Дарын» республикалық ғылыми практикалық орталығы ұйымдастырып отыр.

Мамандандырылған білім беру ұйымдарына түсу үшін конкурсқа құжаттарды қабылдау қорытындысы негізінде Қазақстан бойынша күтілетін үміткерлер саны - 10 433 оқушы. Оның ішінде Ақмола облысы бойынша алтыншы сыныпты бітірген 220-дан астам оқушы бар. Конкурстық іріктеудің барлық тест тапсырмалары логикалық сипаттағы тапсырмаларды қоса отырып, өткен жылдардың оқу бағдарламалары негізінде жасалады.

Ақмола облысының мамандандырылған Білім беру ұйымдарына конкурстық іріктеуді өткізу кестесіне сәйкес 2021 жылғы 2  маусымда Нұр-сұлтан қаласының дарынды балаларға арналған № 2 облыстық мамандандырылған мектеп - интернатында, 4 маусым күні Көкшетау қ. дарынды балаларға арналған № 3 Абай атындағы  облыстық мамандандырылған мектеп - интернатында өтті. 6 маусым – Степногорск қ. дарынды балаларға арналған № 4 "Болашақ" облыстық мамандандырылған мектеп-интернатында іріктеу өтеді.

Конкурстық іріктеуде академиялық адалдықты қамтамасыз ету мақсатында конкурста «Адалдық алаңы» жобалық кеңесінің басшысы, Ш.Уәлиханов атындағы Көкшетау университетінің өкілдері, А.Мырзахметов атындағы Көкшетау университетінің өкілдері, «Астана-Тұран» университетінің ректор орынбасары,  «Дарын» республикалық орталығының жауапты қызметкерлері, С.Сәдуақасов атындағы агро-экономикалық институтының өкілі, ата-аналар комитетінің төрайымы комиссия құрамында қатысты.

Конкурс Қазақстан Республикасының Бас мемлекеттік санитарлық дәрігерінің қаулысына сәйкес профилактикалық және санитарлық-эпидемиологиялық талаптарды сақтай отырып, өткізіліп жатыр.

Конкурстық іріктеуге оқушыларға өзімен бірге жеке сауалнамасы, медициналық маска, су және қалам алып кіруге рұқсат берілді. Аудиториялардағы тәртіп үшін белгіленген кезекше мамандар жауап берді. Комиссия мүшелері тапсырмаларды оқушылардың көзінше ашып, таратып берді.

Мамандандырылған мектепке оқуға үміткерлерді қабылдау әрбір мектепте бөлінген бос орындарға сәйкес ең жоғары балл санынан алынады.
Тестілеудің қорытынды нәтижелерін есептеу кезінде дұрыс жауаптар саны "4" (төрт) коэффициентіне көбейтіледі, ал бір дұрыс емес жауап "-1" коэффициентіне көбейтіледі. Осылайша, жалпы қорытынды есептеледі (4* дұрыс жауап + ( - ) * дұрыс емес жауап = жалпы қорытынды балл).
Конкурстық іріктеу нәтижелері бойынша апелляция өткізілмейді.

Мамандандырылған мектептерге түсушілер үшін толық ақпарат qabyldau.daryn.kz сайтында орналастырылған.

Конкурстың қорытынды нәтижелері https://qabyldau.daryn.kz/ сайтының басты бетінде немесе аталған сайттағы оқушының жеке сауалнамасында, сондай-ақ мамандандырылған білім беру ұйымының сайтында конкурс өткізілгеннен кейін келесі күннен кешіктірмей орналастырылады.

 

Просмотров: 274


Добавить комментарий



Включить данные в подпись

Текст