Ақмола облысы «Елбасы медалі» бағдарламасының жеңімпаздары марапатталды

Ақмола облысы жастарына «Елбасы медалі» бағдарламасының қатысушыларына  медальдар табысталды. Марапаттар күміс және қола деңгейдегі 29 қатысушыға берілді.

Медальдарды табыстау рәсімі 2021 жылғы 20 қазанда жүлдегерлердің тұрғылықты жері бойынша барлық санитарлық нормаларды сақтай отырып, жергілікті атқарушы органдар өкілдерінің қатысуымен өтті.

Облыстағы алғашқы күміс медальді № 1 П. Исаков атындағы  Ақкөл орта мектебінің 11 сынып оқушысы Гайворонская Надежда иеленді.Гайворонская Надежда 12 ай бойы күміс деңгейдегі бағдарламаны орындап, лайықты медаль алды.

«Елбасы медалі» - елдің ең ауқымды challenge болып табылады. Қатысуға 14 пен 29 жас аралығындағы жастар шақырылады. Қатысушылар қола, күміс немесе алтын деңгейлерін таңдап, 6 айдан 18 айға дейінгі бағдарламаны бастауы керек.Осы уақыт ішінде жастар өз дағдыларын 7 бағытта дамытады: спорт, таланттар мен дағдылар, кітап оқу, ұлттық мұра, волонтерлік, экспедициялар мен жорықтар, еңбек тәжірибесі.

Бағдарламаға қатыса отырып, жастар өз уақыттарын басқаруға, мақсаттар қоюға, оларға жүйелі түрде қол жеткізуге, салауатты өмір салтын ұстануға және  үнемі өзін-өзі дамытуға үйренеді.

               2020-2021 жылдары Ақмола облысының 122 қатысушысы қола медальға ие болса, 1 қатысушы күміс медальмен марапатталды.

          «Елбасы медалі» жобасына қатысуға қабылдау жалғасуда!

          Деңгейді таңдап «Елбасы медалі» жобасымен бірге көшбасшылардың жаңа буынына қосыл!