«Qabilet» қызметі-10-11 жас аралығындағы балалардың қабілеттерін анықтау жүйесі

2021 жылдың 29 қазанында Ақмола облысы білім басқармасының    «Ақмола дарыны» дарынды балалар мен талантты жастарды анықтау және қолдау орталығының ұйымдастыруымен «Qabilet» қызметі – 10-11 аралығындағы балалардың қабілеттерін анықтау жүйесі» тақырыбында ZOOM-конференция платформасында семинар - кеңес өтті.

Семинарға аудандық (қалалық) білім бөлімдерінің әдіскерлері мен мектеп психологтары қатысты.

Семинар барысында баяндамашылар дарынды оқушылар мен жастарды анықтау және қолдау жөніндегі «Ел Үміті» бастамасы мен балалардың қабілеттерін диагностикалау бойынша «QABILET» қызметі арқылы XXI ғасырдың басты құзыреттіліктері – «4К» бойынша 10-11 жастағы балалардың қабілеттерін диагностикалау әдістері туралы айтып берді.

Семинар барысында Ақмола облысында балалардың қабілеттерін ерте анықтауға бағытталған «Qabilet» жобасын іске асыру бойынша міндеттер қойылды.

«Qabilet» қызметі дарынды балалар мен жастардың зияткерлік және жеке әлеуетін іске асыру үшін сүйемелдеуді және қолдауды көздейді.

Диагностика жасау және қабілеттерді анықтау «Ақмола дарыны» дарынды балалар мен талантты жастарды анықтау және қолдау жөніндегі өңірлік орталық базасында және Елбасы академиясының Qabilet(qabilet.elbasyacademy.kz.)  онлайн-платформасында тегін жүзеге асырылады.

Қазіргі уақытта 10-11 жастағы әрбір оқушы «Qabilet» қызметі арқылы  қабілеттерін диагностикалаудан өте алады.