Лингвистикадан республикалық іріктеу олимпиадасының екінші (облыстық) кезеңін өткізу туралы ақпарат

Ақмола облысы білім басқармасының «Ақмола дарыны» дарынды балалар мен талантты жастарды анықтау және қолдау жөніндегі орталығы  8-11 сынып оқушыларына арналған Лингвистика бойынша республикалық олимпиаданың екінші (облыстық) кезеңі 2021 жылғы 11 қараша күні өткізілді.

Олимпиаданың мақсаты: қолданбалы лингвистика пәні бойынша дарынды оқушыларды анықтау, дамыту және қолдау болып табылады.

Олимпиадаға бірінші (аудандық) кезеңнің жеңімпаздары, математика және қазақ, орыс, ағылшын тілдері бойынша Ақкөл, Аршалы, Атбасар, Біржан сал, Бурабай, Қорғалжын, Сандықтау, Целиноград, Шортанды аудандары мен Көкшетау, Степногорск қалалары және дарынды балаларға арналған облыстық мамандандырылған мектеп интернаттарынан    барлығы 15 оқушы қатысты.

Републикалық олимпиаданың облыстық кезеңінің қорытындысы бойынша Балсеит Елдана - Көкшетау қаласы, Абай атындағы дарынды балаларға арналған №3 облыстық мамандандырылған мектеп-интернатының 10 сынып оқушысы І орынды;

Изотова Татьяна - Степногорск қаласы, дарынды балаларға арналған № 4 облыстық мамандандырылған "Болашақ" мектеп-интернатының 11 сынып оқушысы  ІІ орынды;

Крылова Арина – Бурабай ауданы жалпы білім беретін Баянбай ауылы мектебінің 10 сынып оқушысы ІІІ орынды иеленді.

2021 жылдың 22 қарашасында онлайн режимде өтетін Республикалық олимпиаданың үшінші кезеңіне Балсеит Елдана мен  Изотова Татьяна қатысады.

Жеңімпаздарымыздың республикалық олимпиаданың іріктеу кезеңінен олжалы оралуларына тілектеспіз!