Информатикадан ХІІІ Еуразиялық олимпиадаға (Шанхай Ынтымақтастық Ұйымы елдері арасында) қатысу қорытындылары

Білім беру саласындағы үкіметаралық келісімдер негізінде, сондай-ақ Санкт-Петербург ақпараттық технологиялар, механика және оптика ұлттық зерттеу университетімен жасалған ынтымақтастық туралы келісім-шарттың негізінде 2021 жылғы 11-12 желтоқсанда Алматы қаласында Халықаралық ақпараттық технологиялар университетінің базасында информатикадан XIII Еуразиялық олимпиада (Шанхай Ынтымақтастық Ұйымы елдері арасында)  өтті.  Олимпиада жалпы білім беретін мектептердің, лицейлердің, гимназиялардың, дарынды балаларға арналған мамандандырылған білім беру ұйымдарының 7-11 сынып оқушылары арасында ағылшын және орыс тілдерінде өткізілді. Оған Қырғызстан, Өзбекстан, Тәжікстан және Қазақстаннан 53 команда қатысты.

Олимпиаданың негізгі мақсаты – оқушылардың ақпараттық құзыреттілігін қалыптастыру, оқушылардың ақпараттық мәдениетін дамыту және есептеу ғылымдары, компьютерлік модельдеу және ақпараттық технологиялар саласында дарынды жастарды анықтау болып табылады.

 Олимпиаданың қорытындысы бойынша Көкшетау қаласындағы «Білім-инновация» лицей-интернатының 10 сынып оқушылары Ибодуллаев Руслан мен Карабаев Аян (Шанхай Ынтымақтастық Ұйымы елдері арасында) ІІІ дәрежелі дипломдармен марапатталды.

Олимпиададағы жеңісіңізбен құттықтаймыз! Жаңа табыстар мен жетістіктер тілейміз!