«Qabilet» қызметі - 10-11 жас аралығындағы балалардың қабілеттерін анықтау жүйесі

2022 жылғы 1-10 ақпан аралығында Ақмола облысы білім басқармасының «Ақмола дарыны» дарынды балалар мен талантты жастарды анықтау және қолдау орталығы, облысымыздың  аудандық мен қалалық  мектептерінің психологтарына арналған «Qabilet» қызметінің «4К»  10-11 жастағы балаларының  қабілеттерін диагностикалау әдістемесі» тақырыбы бойынша ZOOM-конференция платформасында базалық курс ұйымдастырды.

Курстың мақсаты - психологтардың 10-11 жас аралығындағы балалардың қабілеттерін психодиагностикалаудың  заманауи технологиялары мен әдістерін игеруі және балаланың ерте  жастағы психикалық даму мәселелерін талдаудың жаңа тәсілдерін зерттеу.

Курс барысында баяндамашылар «Qabilet» қызметінің мақсаттары мен міндеттері, психологиялық диагностика жүргізу қағидалары, «4К» (теориялық және тәжірибелік бөлім) бойынша 10-11 жастағы балалардың қабілеттерін диагностикалау әдістері туралы айтып берді.  

Курсты өткізу барысында Ақмола облысында балалардың қабілеттерін ерте анықтауға бағытталған «Qabilet» қызметі жобасын іске асыру бойынша міндеттер қойылды.

«Qabilet» қызметі ата-аналарға балалардың қабілеттерін мен жасырын дағдыларын ашуға көмектеседі, сондай-ақ қазіргі, жылдам дамып келе жатқан әлемде баланың даму траекториясын құруға көмектеседі.

Тестілеу қорытындысы бойынша қатысушы қабілеттілік нәтижелеріне талдау, сондай-ақ әлеуетті дамыту бойынша кеңесберушілік қолдау мен ұсынымдар ала алады.

Қазіргі уақытта 10-11 жастағы әрбір оқушы «Qabilet» қабілеттерін диагностикалаудан өте алады.

Диагностика жасау және қабілеттерді анықтау «Ақмола дарыны» дарынды балалар мен талантты жастарды анықтау және қолдау жөніндегі өңірлік орталық базасында және Елбасы академиясының Qabilet онлайн-платформасында тегін жүзеге асырылады qabilet.elbasyacademy.kz.

«Qabilet» қызметі біздің өңірдегі балалардың қабілеттерін жүйелі түрде анықтауға бастама берді, сондай-ақ олардың дарындылығын  анықтауға және болашақ мамандығын дұрыс таңдауға көмектеседі.