9-11 сынып оқушылары арасында математика, физика және информатика пәндері бойынша ХVIIІ Халықаралық Жәутіков олимпиадасына қатысу қорытындылары

2022 жылдың 15-23 ақпан аралығында қашықтықтан қосылған 9-11 сынып оқушылары арасында математика, физика және информатика пәндері бойынша XVIIІ Халықаралық Жәутіков олимпиадасы өтті. Олимпиаданы Қазақстан Республикасы Білім және ғылым министрлігінің «Дарын» республикалық ғылыми-практикалық орталығы Алматы қаласының Республикалық физика-математика мектебімен бірлесіп өткізді.

Олимпиаданың негізгі мақсаттары мен міндеттері: дарынды оқушыларды анықтау, олардың одан әрі зияткерлік дамуы мен кәсіби бағдарлануы үшін оңтайлы жағдайлар жасау, оқушылар арасында физика-математикалық және ІТ білімді тарату және танымал ету, әртүрлі елдердің физика-математикалық мектептерімен халықаралық ынтымақтастықты дамыту болып табылады.

Олимпиада ережесі бойынша команда құрамына олимпиадалық резервтің оқу-жаттығу жиындарына қатысушылар, облыстық және республикалық олимпиадалардың жеңімпаздары мен жүлдегерлері кіреді. Әр пән бойынша Олимпиада екі турда өткізіледі. Жұмыстар олимпиаданың үш ресми тілінің бірінде (қазақ, орыс, ағылшын) орындалады.

ХVIII Халықаралық Жәутіков олимпиадасының қорытындысы бойынша Ибодуллаев Руслан екінші орынға ие болды.

Құттықтаймыз!