Ақмола облысының оқушылары 2022 жылдың 28 сәуірінде «Мың бала» Ұлттық зияткерлік олимпиадасының II кезеңіне қатысты

Ақмола облысының оқушылары 2022 жылдың 28 сәуірінде «Мың бала» Ұлттық зияткерлік олимпиадасының II кезеңіне қатысты.

         Үшінші жыл қатарынан «Мың бала» ұлттық олимпиадасы 5 және 6 сыныптардың ең қабілетті ауыл оқушыларын анықтайды.

«Мың бала»  жобасы құрдастарымен табысты бәсекелесе отырып, еліміздің үздік мектептерінде оқуға мүмкіндік беру үшін ауылдық жерлерден келген 5 және 6 сыныптардың 1000 неғұрлым қабілетті оқушыларын анықтауға арналған.

2022 жылғы 24 ақпан мен 27 наурыз аралығында олимпиадаға қатысушыларды тіркеу жүргізілді, Ақмола облысынан 6784 өтінім берілді, оның ішінде бесінші сынып оқушылары – 3350, алтыншы сынып оқушылары-3434.

2022 жылғы 4-13 сәуір аралығында 6784 оқушы І кезеңге қатысып, логикалық және кеңістіктік ойлауды бағалау бойынша тестілеуден өтті. Тестілеу Елбасы академиясының платформасында онлайн форматта өткізілді.

Тестілеу қорытындысы бойынша, екінші кезеңге Ақмола облысының 134 оқушысы өтті, оның ішінде 58 оқушы 5 сыныптан және 76 оқушы 6 сыныптан.    II кезең 2022 жылғы 28 сәуірде Атбасар, Көкшетау және Нұр-Сұлтан қалаларында «U-Study» өңірлік тестілеу орталықтарының базасында өткізілді.  Академиялық білімдерін бағалау үшін финалистер математикалық сауаттылық, қазақ тілінде оқитын оқушыларға қазақ тілі, орыс тілінде оқитын оқушыларға орыс тілі, ағылшын тілі және жаратылыстану ғылымдары бойынша  компьютерлік тестілеуден өтті.

Олимпиада жеңімпаздары квота бойынша дарынды балаларға арналған еліміздің жетекші мектептерінде: Республикалық физика-математика мектебіне, «Білім-Инновация» лицейіне, «Дарын» мамандандырылған мектептерінде  білім алуға мүмкіндік алады.