«Ғылым әлемін ашамыз» ғарыштық зерттеулер бойынша XVIII Халықаралық ғылыми жарыстардың қорытынды кезеңі

2022 жылдың 5-6 мамыр аралығында онлайн режимде Ақмола облысы білім басқармасының «Ақмола дарыны» дарынды балалар мен дарынды жастарды анықтау және қолдау орталығының базасында «Ғылым әлемін ашамыз» ғарыштық зерттеулер бойынша XVIII Халықаралық ғылыми жарыстар өтеді.

Ғылыми жарыстардың мақсаты – дарынды балаларды анықтау, дамыту және қолдау, ғылыми-зерттеу қызметіне қатысты балаладрдың және жасөспірімдердің қызығушылығын дамыту, отандық және әлемдік ғарыш жетістіктерін насихаттау, ғарыштық және ақпараттық технологиялар саласындағы халықаралық ынтымақтастықты ынталандыру.

Ғылыми жарыстардың қорытынды кезеңіне 116 ғылыми жоба ұсынылды, оның ішінде Қазақстаннан және шет елдерден келген 161 жас зерттеушінің (9-11 (12) сынып оқушылары) авторлығымен 47 командалық және 69 жеке жұмыстар ұсынылды

Ғылыми жарыстар 5 секция бойынша 2 кезеңмен өткізіледі:

1 кезең – іріктеу – ағымдағы жылдың 15 сәуіріне дейін;

2 кезең – қорытынды – ағымдағы жылдың 5-6 мамыр аралығында.

         Ғылыми жарыстар 5 секция бойынша өтті.

1 Секция «Ғарыштық техника және инфрақұрылым»

2 Секция «Ғарыштық ақпараттық технологиялар және модельдеу»

3 Секция «Экология және ғарыш қызметі»

4 Секция «Астрофизика және Ғаламның эволюциясы»

5 Секция «Күн жүйесі»

Ақмола облысынан 3 қатысушы қатысты:

         1. Давлетов Амир - Ақмола облысы білім басқармасының Бурабай ауданы бойынша білім бөлімі Бурабай кентінің Сәкен Сейфуллин атындағы жалпы орта білім беретін мектебінің 10 сынып оқушысы «Экология және ғарыштық қызмет» секциясында «Жердегі астероидтық қауіпті модельдеу» тақырыбында ғылыми жоба жасады;

2.Жагипарова Дарина - Ақмола облысы білім басқармасының Көкшетау қаласы бойынша білім бөлімі Көкшетау қаласының № 21 мектеп-лицейінің 10 сынып оқушысы, «Ғарыштық техника және инфрақұрылым» секциясында «Авиация саласының заманауи жетістіктері» тақырыбында ғылыми жоба жасады;

3. Кладченко Александр - Ақмола облысы білім басқармасының Көкшетау қаласы бойынша білім бөлімі Көкшетау қаласының № 5 көппрофильді «Таңдау» гимназиясының 11 сынып оқушысы «Күн жүйесі» секциясында «Марсиандық күнтізбе» ғылыми жобасын ұсынды.

         «Ғылым әлемін ашамыз» ғарыштық зерттеулер бойынша XVIII Халықаралық ғылыми жарыстардың қорытындысы бойынша ІІІ дәрежелі диплом иегері болып Давлетов Амир жарияланды.

         Шын жүректен құттықтаймыз және одан әрі жетістіктер тілейміз!!!