«Қазақстанның білім беру кеңістігінің дамуындағы «Білім-инновация» лицейлерінің тәжірибесі» тақырыбындағы воркшоп

10 қазанда Көкшетау қаласында Ақмола облысы білім басқармасының «Білім-инновация» лицей-интернатының базасында «Қазақстанның білім беру кеңістігінің дамуындағы «Білім-инновация» лицейлерінің тәжірибесі» тақырыбында воркшоп өтті.

Воркшопқа аудандық, қалалық білім бөлімдерінің әдістемелік кабинеттердің меңгерушілері, әдіскерлері, облыстық мамандандырылған білім беру ұйымдарының басшылары, мұғалімдері қатысты.

Воркшоптың мақсаты «Білім-инновация» лицейінің жұмыс жүйесін көрсету. Бұл іс-шара білім беру саласындағы өзгерістерді қолдауға және қоғам мен әлемдік мәдениетке табысты үлес қосуға қабілетті неғұрлым күшті, жауапты және үйлесімді ортаны қалыптастыруға бағытталған.

«Білім-инновация» лицей-интернатының оқытушылары жаратылыстану-математикалық бағыттағы пәндерді оқытудағы, олимпиадаларға дайындық саласындағы жинақталған тәжірибелерімен бөлісті. Сондай-ақ, ата-аналармен жұмыс тәжірибесі көрсетілді. Сонымен қатар, оқушылармен жүргізіліп жатқан кәсіптік бағдар беру жұмыстары көрсетілген.

Воркшоп қатысушылары идеялармен алмасты, білім берудің, оқытудың, тәрбиелеудің және тұлғаны дамытудың жаңа әдістемелерімен танысты. Іс-шара соңында қатысушылар бұл кәсіби байланыстарды нығайтуға, педагогикалық тәжірибені байытуға, сондай-ақ ой-өрісін кеңейтуге ықпал еткенін атап өтті.