INFOMATRIX ASIA-2023 қатысу қорытындылары туралы ақпарат

2023 жылғы 16-18 желтоқсан аралығында Астана қаласында IT жобалар бойынша халықаралық INFOMATRIX ASIA-2023 байқауы өтті. Жарысқа 4 мемлекеттен 184 жобамен 450 оқушы қатысты.

Байқаудың негізгі мақсаты:

- IT саласында ғылыми зерттеушілікке қызығушылық танытатын дарынды жастарды анықтау, қолдау және дамыту;

- IT саласын дамытудың тиімді құралы ретінде дарынды оқушылардың ғылыми-зерттеу әрекетіне негізделген жаңа жобаларды әзірлеу;

- Әртүрлі елдерден оқушылар мен мұғалімдерді тарту арқылы халықаралық ынтымақтастықты нығайту және шығармашылық тәжірибе алмасу.

Жарыс ағылшын тілінде жүргізіледі және алты бағыт бойынша өтті: Робототехника - FLL Challenge және Arduino Hackathon; Компьютерлік бағдарламалау; Компьютерлік графика және өнер; Қолданбалы ғылыми жобалар; Қысқаметражды фильмдер; Қолданбалы математика жобалары.

Ақмола облысынан халықаралық байқауға Ақмола облысы білім басқармасының "Білім-инновация" лицей-интернатының және Щучинск қаласының "Білім-инновация" IT лицей-интернатының оқушылары қатысты.

Халықаралық байқау қорытындысы бойынша Щучинск қаласының "Білім-инновация" IT лицей-интернатының оқушылары марапатталды:

ІІ дәрежелі дипломдармен және күміс медальдармен:

«Қысқаметражды фильмдер» бағыты бойынша: Еркін Таир – 9-сынып оқушысы, Нурланов Темирлан – 9-сынып оқушысы, Тұрлыбек Ерахмет – 9-сынып оқушысы.

«FLL Challenge және Arduino Hackathon» бағыты бойынша: Марат Дияс – 8-сынып оқушысы, Құттыбек Марданжеңіс – 8-сынып оқушысы, Досай Әли – 8-сынып оқушысы.

ІІІ дәрежелі дипломдармен және қола медальдармен:

«Компьютерлік графика және өнер» бағыты бойынша: Кайрушев Дамир – 10-сынып оқушысы, Тұрсынбек Лаура – 10-сынып оқушысы.

         Шын жүректен құттықтаймыз және жаңа жетістіктер тілейміз!!!