Халықаралық балаларды қорғау күніне орай оқушыларға «Ақорда» резиденциясында экскурсия ұйымдастырылды

2024 жылғы 1-2 маусым аралығында Халықаралық балаларды қорғау күніне орай оқушыларға «Ақорда» резиденциясында экскурсия ұйымдастырылды. Оған еліміздің барлық өңірінен 81 бала, соның ішінде су басқан аймақтардан келген оқушылар қатысты.

Ақорданың кішкентай қонақтарының қатарында халықаралық және республикалық олимпиадалардың жеңімпаздары, оқу үздіктері бар.

Ақмола облысынан 4 оқушы қатысты:

1.Шайбаков Руслан – Ақкөл ауданы бойынша білім бөлімі Ақкөл қаласының № 4 жалпы орта білім беретін мектебінің 7-сынып оқушысы;

2.Гаитов Артур – Көкшетау қаласы бойынша білім бөлімі Көкшетау қаласының № 1 мектеп-гимназиясының 5-сынып оқушысы;

3.Төлебай Іңкәр – Аршалы ауданы бойынша білім бөлімі Қостомар ауылының негізгі орта мектебінің 6-сынып оқушысы;

4.Бадалян Гарик – Көкшетау қаласы бойынша білім бөлімі Көкшетау қаласының № 5 көппрофильді "Таңдау" гимназиясының 7-сынып оқушысы.

Аталған шара аясында балалар «Ақорда» резиденциясының орталық салтанатты холы мен ресми қабылдаулар және түрлі жиындар өткізуге арналған залдарын тамашалды. Резиденция аумағындағы бақты аралап көрді.

Сондай-ақ балалар Қазақстан Президентінің жұмыс тәртібімен танысты, еліміздің бас ғимараты туралы қызықты деректерден хабардар болды. Жасөспірімдерге Мемлекет басшысының атынан естелік сыйлықтар табысталды.

Сонымен қатар екі күндік саяхат кезінде оқушылар Президенттік орталық, Ұлттық музей, «Нұр-Әлем» павильоны сияқты Астананың көрікті жерлерін аралады.