Жалпы білім беру ұйымдарының 7-11 сынып оқушылары арасында өтетін Республикалық «Мұқағали Мақатаев оқулары» байқауының кезеңінің қорытындысы

2024 жылғы 14-20 маусым аралығында Алматы облысы, Райымбек ауданының Қарасаз ауылында жалпы білім беру ұйымдарының 7-11 сынып оқушылары арасында Республикалық «Мұқағали Мақатаев оқулары» байқауы өтті.

Байқаудың мақсаттары мен міндеттері:

-жалпы білім беретін оқу орындарының оқушылары арасында өткізілетін М.Мақатаевтың шығармаларын насихаттау;

- жалпы білім беретін оқу орындарының оқушыларының шығармашылық қабілеттерін, эстетикалық талғамдарын, тума талант, табиғи дарындарын анықтау;

- оқушылардың поэзияға деген құштарлығын арттыру, өлең сөзінің құдіреті мен қуатын жанымен сезініп, жүрегімен түсіне білуге үйрету. Өз ой-пікірлерін ғылыми тұрғыда жеткізе білуін дамыту;

- жас ақындарға әлеуметтік-рухани қолдау көрсетіп, олармен шығармашылық  жұмыс түрлерін жандандыру. Жас буынның тарихи танымдарын, демократияға және азаматтыққа бағдарланған дүниетанымдары мен сана-сезімдерін, өмірге көзқарасын қалыптастыру.

«Мұқағали Мақатаев оқулары» 3 номинация бойынша өткізілді:

1-номинация «Айтып өткен ақында арман бар ма?» - Бұл номинацияда үміткер М.Мақатаевтың шығармашылығынан жатқа білетін өлеңдерінің тізімін (поэмадан басқа) әкеліп алдын-ала әділ-қазыларға ұсынады.

2-номинация «Жыр эстафетасы» - айдарында байқау қатысушылар «Аққулар ұйықтағанда», «Райымбек, Райымбек», «Алтай-Атырау» поэмаларын толық жатқа білуі тиіс.

3-номинация «Көкірегімде жыр сәулесі маздайды...» айдары бойынша оқушы өз шығармашылығынан 3-5 шумақтан аспайтын бір өлеңін (кітапшасын ұсынады) қазылардың нұсқауымен оқиды. Оқушы өз шығармасын жатқа оқуы шарт.

«Мұқағали Мақатаев оқулары» Республикалық байқауында «Айтып өткен ақында арман бар ма?» номинациясы бойынша Жуманова Аружан - Аршалы ауданы, Абай атындағы Бұлақсай ауылы №2 жалпы орта білім беретін мектебінің 8-сынып оқушысы қатысты.

«М.Мақатаев оқулары» республикалық байқауының қорытындысы бойынша Жуманова Аружан Алматы облысы Райымбек ауданының әкімінің     50 000 теңге ақшалай сертификатпен марапатталды.

Шын жүректен құттықтаймыз және жаңа жетістіктер тілейміз!!!