«Менің кіші Отаным» жас тарихшылар ІІІ республикалық интеллектуалдық конкурсының республикалық кезеңінің қорытындысы туралы ақпарат

Қазақстан Республикасының тұңғыш президенті Н.Ә.Назарбаевтың «Болашаққа бағдар: рухани жаңғыру» атты мақаласындағы «Туған жер» бағдарламасын іске асыру аясында 2020 жылдың 3-5 қараша  аралығында онлайн режимде «Менің кіші Отаным» жас тарихшылар ІІІ  Республикалық интеллектуалдық конкурсының республикалық кезеңі өтті. 

Конкурстың мақсаты - туған елдің тарихына аса қызығушылық танытатын талантты оқушыларды анықтап, олардың шығармашылық қабілетін, қоғамдық белсенділігін дамытуға, өскелең ұрпақтың бойында қазақстандық патриотизм мен азаматтық сезімді қалыптастыру, мектеп оқушыларының тарих және өлкетану бойынша білімін дамыту, ұлттық өзін-өзі тануына және олардың кішкентай Отанына деген мақтанышын арттыру.

Конкурстың республикалық кезеңіне әр өңірден 88 оқушы қатысты. Ақмола облысынан конкурсқа 4 номинация бойынша әр өңірден 4 қатысушы қатысты.

Конкурстың қорытындысы нәтижесінде ІІІ дәрежелі дипломмен «Кішкентай Отанымның символы» номинациясы бойынша Павлухина Анастасия - Сандықтау ауданы, Максимовка орта мектебінің 10 сынып оқушысы марапатталды.

Грамотамен «Менің кішкентай Отанымның болашағы» номинациясы бойынша Батырбекова Шырын - Бурабай ауданы, Щучье қаласы №9 мектеп-гимназиясының 9 сынып оқушысы және «Менің туған өлкем» номинациясы бойынша Бекмагамбетов Аслан - Есіл ауданы, Красивинский орта мектебінің 9 сынып оқушысы марапатталды.

Жүлдегерлерімізді құттықтаймыз! Әлі талай жетістіктеріңізбен қуанта беріңіздер!