2020 жылдың 5-13 қараша аралығында өткен республикалық ғылыми жобалар байқауының облыстық кезеңінің қорытындысы туралы ақпарат

Оқушылардың ғылыми-зерттеу және оқу-танымдық қызметін ынталандыру, ең талантты және дарынды жас зерттеушілерді іріктеу және оларға қолдау көрсету, Қазақстан Республикасының зияткерлік әлеуетін қалыптастыруға ықпал ету мақсатында 2020 жылдың 5-13 қараша аралығында жалпы білім беретін пәндер бойынша 8-11 сынып оқушыларына арналған онлайн режимде республикалық ғылыми жобалар байқауының облыстық кезеңі өтті.

Аталмыш байқауға 177 ғылыми жоба тапсырылып, оның ішінде 126 ғылыми жоба сараптамадан өтті. Байқауға Ақмола облысының барлықаудандарынанжәнеКөкшетау, Степногорск қалалары мен дарынды балаларға арналған мамандандырылған мектеп-интернаттарынан барлығы 139 оқушы қатысты.

Байқау қорытындысы бойынша І дәрежелі дипломмен 11 оқушы, ІІ дәрежелі дипломмен 31 оқушы, ІІІ дәрежелі дипломмен 49 оқушы марапатталды.

Жүлдегерлерімізді құттықтаймыз! Әлі талай жетістіктеріңізбен қуанта беріңіздер!