«Шын хакім, сөзің асыл – баға жетпес» атты ІV онлайн айтыстың республикалық кезеңі бойынша ақпарат

Елбасының «Болашаққа бағдар: рухани жаңғыру» атты мақаласындағы ұлттық кодты жаңғырту идеясын жүзеге асыру шеңберінде және ұлы Абайдың 175 жылдық мерейтойына орай 14-15 желтоқсанда Абай атындағы дарынды балаларға арналған республикалық мамандандырылған қазақ тілі мен әдебиетін оқытатын орта мектеп-интернатында "Шын хакім, сөздің асыл бағына жетпес" атты IV республикалық онлайн айтыс ұйымдастырылды. Жалпы білім беру ұйымдарының 8-11 сынып оқушылары үшін ұйымдастырылған жарысқа Қазақстанның барлық өңірлерінен 28 оқушы қатысты. Ақмола облысынан қатысушы Серік Нұрбек, Зеренді ауданы, М.Ғабдуллин атындағы қазақ орта мектебінің 9-сынып оқушысы III орын және 30 000 теңге көлемінде ақшалай сыйлық алды. Сондай-ақ, ынталандыру және дарындылықты одан әрі дамыту мақсатында Серік Нұрбек байқаудан тыс Абай атындағы дарынды балаларға арналған Қазақ тілі мен әдебиетін тереңдетіп оқытатын республикалық мамандандырылған орта мектеп-интернатқа қабылдау үшін жолдама алды. Нұрбекті жеңісімен құттықтаймыз!