ІІІ Республикалық Қадыр оқулары бойынша ақпарат

Батыс Қазақстан облысының білім басқармасы Қазақстанның халық жазушысы, ҚР Мемлекеттік сыйлығының иегері, ақын, қазақ әдебиетінің ірі өкілі Қадыр Мырза Әлінің туғанына 85 жыл толуына орай, 2020 жылдың 24 желтоқсанында онлайн форматта  ІІІ Республикалық  Қадыр оқуларын өткізді.

Байқаудың  мақсаты - Қадыр Мырза-Әлі шығармаларын насихаттау, поэзияға деген құштарлықтарын арттыру, оқушылардың шығармашылық қабілеттерін, эстетикалық талғамдарын анықтау, әдеби тіл байлықтарын, көркем сөз оқу шеберлігін дамыту, ақынның сөздеріне жазылған әндерін дәріптеу.

Байқаудың үш номинациясы бойынша  Ақмола облысынан келесі оқушылар қатысты:

1. Ақын өлеңдерін мәнерлеп оқу бойынша «Сөзім барда – өзім бар» номинациясы - Аманбай Жанар, Целиноград ауданы Қараөткел ауылы №2 орта мектебінің 8-сынып оқушысы;

2. Ақын өлеңдеріне жазылған әндерді орындау бойынша «Болу үшін жаралғам туған жердің жырауы...» номинациясы - Елешқызы Шұғыла, Көкшетау қаласы, Абай атындағы (қазақ тілінде оқытылатын) дарынды балаларға арналған № 3 облыстық мамандандырылған мектеп- интернатының 11-сынып оқушысы;

3. Жазба ақындар мүшайрасы бойынша «Өлең жаздым тоғыз тарау, жеті өрім» номинациясы - Сатыбаева Аружан, Көкшетау қаласы, Абай атындағы (қазақ тілінде оқытылатын) дарынды балаларға арналған № 3 облыстық мамандандырылған мектеп-интернатының 11-сынып оқушысы.

Байқаудың қорытындысы бойынша «Болу үшін жаралғам туған жердің жырауы...» Қадыр Мырза Әлі сөздеріне жазылған әндерді орындауда Ақмола облысынан Елешқызы Шұғыла жүлделі III орынды иеленді. 

Сондай-ақ, Аманбай Жанар мен Сатыбаева Аружан қатысқаны үшін Алғыс хатпен марапатталды.