Шығармашыл оқушылар арасындағы XІІ «Ақберен» республикалық өнер байкауының қорытындысы
08.09.2026
2025 жылғы 6-8 қараша аралығында Ақмола облысының Щучинск қаласы, Бурабай курортында орналасқан «Балдәурен» республикалық оқу-сауықтыру орталығының базасында 8-11 сынып оқушылары арасында шығармашыл оқушыларға арналған XІІ республикалық «Ақберен» өнер байқауының қорытынды кезеңі өтті.
Байқаудың мақсаты: шығармашыл оқушылардың гуманитарлық-эстетикалық ғылымдар саласында кәсіптік қызметін таңдауға шығармашылық қабілетті, өлең жазу, тапқырлық қырын, дарындылығын таныту, олардың шығармашылық қабілеттеріне қолдау көрсетіп, ары қарай дамытуына жол ашу.
Қорытынды кезеңге Ақмола облысынан 6 оқушысы қатысты:
- «Шешендік, білгірлік сайысы» номинациясы бойынша - Тажбердиева Айгерім – Целиноград ауданы Жаңаесіл ауылының жалпы орта білім беретін мектебінің 10-сынып оқушысы;
- «Көркемсөз оқу» номинациясы бойынша - Аяпберген Аружан– Бұланды ауданы Макинск қаласы мектеп-гимназиясының 8-сынып оқушысы;
- «Эссе жазу» номинациясы бойынша - Тұрсынбай Гаухар – Жарқайың ауданы Державин қаласының Ақпан Үкібаев атындағы жалпы орта білім беретін мектебінің 10-сынып оқушысы;
- «Ұлттық аспапта өнер көрсету» номинациясы бойынша - Можебаев Хантемир – Көкшетау қаласының № 2 мектеп-лицейінің 10-сынып оқушысы;
- «Ақындар айтысы» номинациясы бойынша - Абдуразақ Иманғали - Қосшы қаласының ІТ мектеп-лицейінің 10-сынып оқушысы;
- «Ақындар мүшәйрасы» номинациясы бойынша - Жангирханова Ақмаржан – Сандықтау ауданы Максимовка ауылының жалпы орта білім беретін мектебінің 10-сынып оқушысы.
Байқау қорытындысы бойынша І-дәрежелі дипломмен «Ұлттық аспапта өнер көрсету» номинациясы бойынша Көкшетау қаласының № 2 мектеп-лицейінің 10-сынып оқушысы Можебаев Хантемир марапатталды.
Грамотамен «Эссе жазу» номинациясы бойынша Жарқайың ауданы Державин қаласының Ақпан Үкібаев атындағы жалпы орта білім беретін мектебінің 10-сынып оқушысы Тұрсынбай Гаухар марапатталды.
Шын жүректен құттықтаймыз және одан әрі шығармашылық табыс тілейміз!!!
