9-10 сынып оқушыларына арналған жас тарихшылардың «Менің кіші Отаным» атты IV республикалық интеллектуалдық конкурсының облыстық кезеңі туралы ақпарат

Ақмола облысы білім басқармасының «Ақмола дарыны» дарынды балалар мен талантты жастарды анықтау және қолдау жөніндегі орталығы 2021 жылғы 11 қазан күні Елбасының «Болашаққа бағдар: рухани жаңғыру» атты мақаласындағы «Туған жер» бағдарламасын іске асыру 9-10 сынып оқушыларына арналған жас тарихшылардың «Менің кіші Отаным» атты IV республикалық интеллектуалдық конкурсының облыстық кезеңі онлайн режимде өтетінін хабарлайды.

Конкурстың негізгі мақсаты – туған елдің  тарихына аса қызығушылық танытатын талантты оқушыларды анықтап, олардың шығармашылық қабілетін, қоғамдық белсенділігін дамытуға, өскелең ұрпақтың бойында қазақстандық патриотизм мен азаматтық сезімді қалыптастыру, мектеп оқушыларының тарих және өлкетану бойынша білімін дамыту, ұлттық өзін-өзі тануына және олардың кішкентай Отанына деген мақтанышын арттыру.

13 ауданнан, Степногорск және Көкшетау қалаларынан және дарынды балаларға арналған 4 облыстық мамандандырылған мектеп-интернаттан облыстық кезеңге мектеп және аудандық (қалалық) кезеңдерде іріктеуден өткен 64 оқушы қатысады.

          Конкурс екі тур бойынша өткізіледі:

І тур – Қазақстан тарихынан тест тапсырмалары орындалады.

ІІ тур  - 4 номинация бойынша өтеді:

-«Менің кішкентай Отанымның тарихы» номинациясы бойынша – елді мекеннің тарихын презентация түрінде немесе бейнефильм форматында ашу (географиялық атауын, құрылу тарихын, дамудың негізгі кезеңдерін, табиғи-климаттық ерекшеліктерін, халықтың саны, кәсіпорындар мен әлеуметтік-тұрмыстық сала мекемелері туралы ақпарат, көрікті жерлері және т.б.);

-«Кішкентай Отанымның символы» номинациясы бойынша – автордың өзінің кіші Отанына деген сүйіспеншілік символы болып табылатын жануралар, өсімдіктер, адамдар, құбылыстар және т.б. туралы презентация түрінде немесе бейнефильм форматында баяндау. (Өз таңдауын бірегейлі негіздеу, дәлелдеу қажет);

-«Менің кішкентай Отанымның болашағы» номинациясы бойынша – нысан макетін презентация түрінде таныстыру;

-«Менің туған өлкем» номинациясы бойынша – өз елді мекені, ауылы туралы эссе жазу.