«Менің шағын Отаным» атты IV Республикалық зияткерлік байқауының қорытындысы туралы ақпарат

«Дарын» республикалық ғылыми-практикалық орталығы 2021 жылғы іс-шаралар жоспарына сәйкес, қараша айының 3-5 күндері аралығында Алматы қаласындағы әл-Фараби атындағы Қазақ ұлттық университеті базасында жас тарихшылардың «Менің шағын Отаным» атты IV республикалық зияткерлік байқауы өтті.

Биылғы байқау Қазақтың алғашқы ұстазы Ыбырай Алтынсариннің 180 жылдық және Қазақстан Республикасының Тәуелсіздігінің 30 жылдық мерейтойларына арналды. Байқауға Қазақстанның барлық облыстарынан, Нұр-Сұлтан, Алматы және Шымкент қалаларынан 84 оқушы қатысты.

Ақмола облысының құрамасы:

1.«Менің кішкентай Отанымның тарихы» номинациясы бойынша – Кабдуллин Мадияр, Ақмола облысы білім басқармасының Бурабай ауданы бойынша білім бөлімі Щучинск қаласының № 9 мектеп-гимназиясының 9-сынып оқушысы;

2. «Кішкентай Отанымның символы» номинациясы бойынша – Муратов Нуржан, Ақмола облысы білім басқармасының Атбасар ауданы бойынша білім бөлімі Атбасар қаласының № 2 жалпы орта білім беретін мектебінің 9-сынып оқушысы;

3. «Менің кішкентай Отанымның болашағы» номинациясы бойынша – Кажмуканова Фариза, Ақмола облысы білім басқармасының Көкшетау қаласы, Абай атындағы (қазақ тілінде оқытылатын) дарынды балаларға арналған № 3 облыстық мамандандырылған мектеп-интернатының 10-сынып оқушысы;

4. «Менің туған өлкем» номинациясы бойынша – Сагателян Мариям, Щучинск қаласы ІТ "Білім-инновация" лицей-интернатының 9-сынып оқушысы.

Байқау қорытындысы бойынша Кабдуллин Мадияр, Кажмуканова Фариза - күміс медальмен,  Муратов Нуржан, Сагателян Мариям – қола медальмен марапатталды.