2019 оқу жылының 9-13 маусым аралығындағы ХІІ республикалық математикалық «Бастау» турнирі

        2019  оқу жылының 9-13 маусым аралығында Алматы қаласында бастауыш  сынып (2,3,4) оқушыларының арасында ХІІ Республикалық математикалық турнир «Бастау» өткізілді.

        Байқау мақсаты – математикалық қабілеті айқын білінген дарынды бастауыш мектеп оқушыларын дамыту және қолдау көрсету болып табылады.

        Аталмыш байқауда Ақмола облысының намысын қорғау үшін Көкшетау қаласы, ІТ мектеп-лицейінің: 2 сынып оқушысы Қайырбек Бақытжан, 3 сынып оқушысы Мұратбек Ислам, 4 сынып оқушысы Құдайберген Әділетәли; №17 орта мектеп-гимназиясының: 2 сынып оқушысы Дорошенко Кирилл, 3 сынып оқушысы Есимсейтов Алан, 4 сынып оқушысы Лянной Роман қатысты.

         Байқау қорытындылары бойынша жеңімпаздар мен жүлдегерлер анықталды.

        «Математикалық бәйге» турынан ІІ дәрежелі дипломмен Көкшетау қаласы №17 орта мектеп-гимназиясының 3 сынып оқушысы Есимсейтов Алан және 4 сынып оқушысы Лянной Роман, 2 сынып оқушысы Дорошенко Кирилл грамотамен марапатталды. Сонымен қатар Көкшетау қаласы ІТ мектеп-лицейінің 3 сынып оқушысы Мұратбек Ислам және 4 сынып оқушысы Құдайберген Әділетәли грамотамен марапатталып, қатысушылардың барлығына сертификат берілді.

        Республикалық байқаудың барлық қатысушыларын лайықты жеңістерімен шын жүректен құттықтаймыз, болашақта толағай табыстар мен шығармашылық жетістіктер тілейміз!