2-7 сынып оқушылары арасында «Зерде» XIX республикалық зерттеу жобалары байқауының қорытынды кезеңінің туралы ақпарат

Бурабай ауданы, Щучинск қаласындағы «Алмаз» шипажайының базасында 2024 жылғы 22 - 24 ақпан аралығында 2-7 сынып оқушылары арасында «Зерде» XIX республикалық зерттеу жобалары байқауының қорытынды кезеңінің екінші легі өткізілді.

Байқаудың мақсаты – балалардың зерттеу қызметінің дағдыларын дамыту, кіші және орта жастағы мектпе оқушыларының интеллектуалдық-шығармашылық әлеуетін ынталандыру болып табылады.

2 лек секциялары: математика, қолданбалы математика, физика, космос, туризм және спорт, химия, биология, информатика, робототехника, STEM инженерия.

Ақмола облысының намысын 9 жобамен 11 оқушы қорғады. Жүлдегерелер жас ерекшеліктеріне сәйкес 2-4 (кіші жастағы топ) және 5-7 (ересек жастағы топ) сыныптар бойынша анықталды.

Байқаудың қорытындысы бойынша 4 оқушы жүлдегер және жеңімпаз атанды: ІІІ-дәрежелі дипломмен – 4 оқушы, грамотамен – 3 оқушы марапатталды.

ІІІ-дәрежелі дипломдармен марапатталды:

1. «Физика, космос» секциясы бойынша Советов Шернияз - Степногорск қаласының С.Сейфуллин атындағы №5 көпсалалы мектеп-лицейінің 5-сынып оқушысы;

2. «Физика, космос» секциясы бойынша Жантурин Ерасыл - Степногорск қаласының С.Сейфуллин атындағы №5 көпсалалы мектеп-лицейінің 6-сынып оқушысы;

3. «Химия, биология» секциясы бойынша Айдарханова Альбина - Ақкөл ауданы, Кеңес ауылының жалпы орта білім беретін мектебінің 5-сынып оқушысы;

4. «Информатика, робототехника, STEM инженерия» секциясы бойынша Тулепов Абильмансур - Бурабай ауданы, Щучинск қаласының № 7 мектеп-лицейінің 7-сынып оқушысы.

Грамотамен марапатталды:

1. «Математика, қолданбалы математика» секциясы бойынша Майарам Нұрай - Астрахан ауданы, Жаңатұрмыс ауылының жалпы орта білім беретін мектебінің 4-сынып оқушысы;

2. «Химия, биология» секциясы бойынша Рычкова Таисия - Бурабай ауданы, Щучинск қаласының № 2 жалпы орта білім беретін мектебінің 3-сынып оқушысы;

3. «Туризм және спорт» секциясы бойынша Мұстафа Әсия - Целиноград ауданы, Қараөткел ауылының жалпы орта білім беретін мектеп-гимназиясының 6-сынып оқушысы.

Жас зерттеушілерімізді шын жүректен құттықтаймыз және жаңа жеңістер тілейміз!!!