Жаратылыстану-математикалық бағыттағы пәндері бойынша XVІI Президенттік олимпиаданың қорытындысы туралы

2024 жылдың 19-22 қараша аралығында Астана қаласында республиканың білім беру ұйымдарының 11(12) сынып оқушылары арасында жаратылыстану-математикалық бағыттағы пәндері бойынша ХVІІ Президенттік олимпиада өтті. Зияткерлік олимпиадаға республиканың барлық өңірлерінен 190 оқушы қатысты.

Олимпиаданың негізгі мақсаттары мен міндеттері: дарынды оқушыларды анықтау үшін оңтайлы жағдайлар жасау, жаратылыстану-математикалық бағыттағы пәндерді оқытуда қызығушылығын арттыру, теориялық білімдері мен дағдыларын тереңдету, одан әрі интеллектуалды даму және кәсіби бағдар беру.

Президенттік олимпиаданың әрбір қатысушысы барлық кезеңдерде төрт пән бойынша тапсырмаларды орындады: математика, физика, химия және биология.

Қорытынды кезеңге іріктеу кезеңінен сәтті өткен Ақмола облысының 6 оқушысы қатысты:

1. Базарбай Нұрдәулет - Көкшетау қаласы, Мәлік Ғабдуллин атындағы № 3 көпсалалы гимназиясының 11-сынып оқушысы;

2.Темиржанов Мирас – Көкшетау қаласы, №5 «Таңдау» мектеп-гимназиясының 11-сынып оқушысы;

3.Абдулла Нұрай – Целиноград ауданы, Талапкер ауылының ІТ мектеп-лицейінің11-сынып оқушысы;

4.Михонь Артём – Степногорск қаласы, № 4 "Болашақ" облыстық мамандандырылған мектеп-лицей-интернатының 11-сынып оқушысы;

5.Ыбрайым Қарақат - Iqanat High School of Burabay мектебінің 11-сынып оқушысы;

6.Қабдуахит Нұрасыл – Есіл қаласының № 3 жалпы орта білім беретін мектебінің 11-сынып оқушысы.

Олимпиада қорытындысы бойынша ІІІ-дәрежелі дипломмен Көкшетау қаласы, №5 «Таңдау» мектеп-гимназиясының 11-сынып оқушысы Темиржанов Мирас марапатталды.

Грамотамен Көкшетау қаласы, Мәлік Ғабдуллин атындағы № 3 мамандандырылған гимназиясының 11-сынып оқушысы Базарбай Нұрдәулет марапатталды.

Шын жүректен құттықтаймыз және одан әрі сәттілік тілейміз!!!