9-11 сынып оқушылары арасында жалпы білім беретін пәндер бойынша республикалық ғылыми жобалар конкурсын өткізу қорытындылары туралы ақпарат

2022 жылдың 21-25 ақпан аралығында Шымкент қаласында Мұхтар Әуезов атындағы Оңтүстік Қазақстан университетінің және Оңтүстік Қазақстан мемлекеттік педагогикалық университетінің базаларында офлайн форматта 8-11 сынып оқушылары арасында жалпы білім беретін пәндер бойынша республикалық ғылыми жобалар байқауының қорытынды кезеңі өткізілді.

Ғылыми байқаудың мақсаты-оқушылардың ғылыми-зерттеу және оқу-танымдық қызметін ынталандыру, неғұрлым талантты және дарынды жас зерттеушілерді іріктеу және қолдау, Қазақстан Республикасының зияткерлік әлеуетін қалыптастыруға жәрдемдесу.

 Байқаудың қорытынды кезеңінде Қазақстанның барлық өңірлерінен 749 жас зерттеушілердің авторлығымен 597 ғылыми жоба ұсынылды.

Ақмола облысынан байқауға 18 ғылыми жобамен 22 талантты және дарынды жас зерттеушілер қатысты.

Байқаудың қорытынды кезеңінде Ақмола облысы білім басқармасының Көкшетау қаласының №5 көппрофильді «Таңдау» гимназиясының 11 сынып оқушысы Штырбу Злата экономика секциясы бойынша «Ақмола облысының жел энергетикасы және энергетикалық қауіпсіздікті дамыту перспективалары» тақырыбындағы ғылыми жобасы үшін алтын медальмен марапатталды. Сондай-ақ, ол Мұхтар Әуезов атындағы Оңтүстік Қазақстан университетінің білім грантының иегері атанды.

Күміс медаль иегерлері:

1. Давлетов Амир- Ақмола облысы білім басқармасының Бурабай ауданы Бурабай кентінің Сәкен Сейфуллин атындағы жалпы орта білім беретін мектебінің 10 сынып оқушысы, жер және ғарыш туралы ғылым секциясы бойынша, «Жердегі астероидтік қауіпті модельдеу» тақырыбындағы ғылыми жобасы үшін;

2. Манапов Қымбат- Ақмола облысы білім басқармасының Көкшетау қаласы Абай атындағы дарынды балаларға арналған (қазақ тілінде оқытатын)  № 3 облыстық мамандандырылған мектеп-интернатының 9 сынып оқушысы, әдебиет секциясы (қаз)бойынша  «Төлеғен Қажыбайдың «Қан кешу» повесіндегі өмір зұлматтары» тақырыбындағы ғылыми жобасы үшін;

3. Тлеулин Нуртас - Ақмола облысы білім басқармасының Көкшетау қаласы, Абай атындағы (қазақ тілінде оқытылатын) дарынды балаларға арналған № 3 облыстық мамандандырылған мектеп-интернатының 9 сынып оқушысы, химия секциясы бойынша, «Шымтезектің физика-химиялық қасиеттері және оны қолдану аспектілері» тақырыбындағы ғылыми жобасы үшін;

4. Егінбай Ақниет және Бекмолдина Жанерке - Ақмола облысы білім басқармасының Көкшетау қаласы, Абай атындағы (қазақ тілінде оқытылатын) дарынды балаларға арналған № 3 облыстық мамандандырылған мектеп-интернатының 10 сынып оқушылары, Адам.Қоғам.Құқық секциясы бойынша,  «Зорлық – зомбылық: бүгінгі отбасы» тақырыбындағы ғылыми жобасы үшін.

         Қорытынды кезеңнің қола медалі  Ақмола облысы білім басқармасының Көкшетау қаласы Мәлік Ғабдуллин атындағы №3 мамандандырылған гимназияның 11 сынып оқушысы Бураканова Дильназға бұйырды (этномәдениеттану секциясы бойынша, Қазақтың байырғы өлшем бірліктерінің маңызы тақырыбындағы ғылыми жобасы үшін). Сондай-ақ, оған Сәрсен Аманжолов атындағы Шығыс Қазақстан университетінің білім грантының иегері атанды.

Целиноград ауданы Қосшы ауылының №2 жалпы орта білім беретін мектебінің 9 сынып оқушылары бойынша Айдана Айтуганова және Әбдіқадір Әдемі тіл білімі секциясы бойынша «Абай афоризмдерінің өміршеңдігі» тақырыбында қазақ тіліндегі командалық ғылыми жобасы үшін байқаудағы көрсеткен ерекше жетістігі үшін грамоталармен марапатталды.

         Жеңімпаздарды шын жүректен құттықтаймыз және алдағы уақытта табыс тілейміз!!!