Ақмола облысының оқушылары «Qabilet» қызметінің қабілеттілік деңгейін анықтау бойынша екінші кезең диагностикасынан өтті

Ақмола облысының оқушылары «Qabilet» қызметінің қабілеттілік деңгейін анықтау бойынша екінші кезең  диагностикасынан өтті.

Целиноград ауданының Софиевка селосының жалпы білім беретін мектебінің 4-сынып оқушысы Мадияр Аскен,  Степногорск қаласының  «Абай Құнанбаев атындағы № 6 мектеп-гимназиясының» 5-сынып оқушысы Алексей Яшник, Біржан сал ауданының  Яблоновка ауылының негізгі орта мектебінің 6-сынып оқушысы Дильназ Баймулдина, Аршалы ауданының  Ижевское ауылының жалпы білім беретін мектебінің 5-сынып оқушысы Валерия Абрамова, Қорғалжын ауданының  «Ақтан Төлеубаев атындағы жалпы білім беретін мектебінің» 4 сынып оқушысы Гульдана Талапкерова - ең көп ұпай жинап тестілеудің  2-ші  қадам тестілеуге  жіберілген болатын.

Ағымдағы жылдың 15-18 наурыз аралығында Ақмола облысы білім басқармасының «Ақмола дарыны» дарынды балалар мен дарынды жастарды анықтау және қолдау орталығының базасында «Qabilet» қызметі бойынша психологпен  екінші кезең  диагностикасы  жүргізілді. Бұл диагностикаға 70 ұпай мен одан жоғары жинаған оқушылар қатысты.

«Қабілеттерді диагностикалау әдістемесі дарындылық туралы заманауи түсініктерін  және XXI ғасырдың басты құзыреттері  – «4К» (креативтілік, сыни ойлау, коллаборация, коммуникативтілік) негізінде үздік әлемдік  тәжірибелерді пайдалануды көздейді».

Екінші қадам диагностикасы оффлайн режимінде, әр оқушымен жеке өткізілді. Екінші қадамға арналған  әдістемелердің  кешені, 6 әдістемеден тұрады: Эббингауз әдістемесі (бейімделген), Гарднер матрицасы (еркін сұрыптау), «Егер Мен супер қаһарман болсам...» (авторлық), Е.П. Торренстің шығармашылық ойлау тесті (бейнелі бөлім), А.А. Кармановтың «Мақсат-Құрал-Нәтиже» әдістемесі, К.Томастың жеке сауалнамасы.

Диагностиканың  нәтижелері бойынша, әр оқушы жеке танымдық қабілеттерін одан әрі дамыту бойынша ұсынымдар алды.