«Абай әлеміне саяхат» атты тәжіребелік конференциясы туралы ақпарат

Ақмола облысы білім басқармасының жанындағы «Өнерпаз дарынды балалармен жұмыс жүргізу жөніндегі облыстық оқу-әдістемелік орталығы» КММ «Рухани жаңғыру» бағдарламасының іске асыру аясында, Абай Құнанбайұлының шығармаларын педагогтар мен білім алушыларының арасында кеңінен насихаттау мақсатында 2020 жылдың  16  қазанда 8-10  сынып оқушылары арасында онлайн режимінде «Абай әлеміне саяхат» атты тәжіребелік конференциясы өткізілді.

Семей қаласындағы Абай Құнабаевтың тарихи мәдени және әдеби-мемориалдық қорық музейіне арналған  3D форматындағы бейне-экскурсиясында М.Әуезовтiң «Абайтануға» сiңiрген еңбектерi. «Алаштың арыстары» атанған, қазақ зиялыларының көш басы болған А.Байтұрсынов, М.Дулатов, Ә.Бөкейханов, Ж.Аймауытов, М.Жұмабаев, сынды саңлақтардың Абай мұрасы мен ақындығы туралы пiкiрлерi, деректері. Көрнекті  абайтанушы Қайым Мұхамедхановтың материалдары, зерттеу жұмыстары. Қазіргі  күнде құнды жәдігерлер қатарында: Абайдың Мағауияға хаты; Абайдың өз ұрпақтары мен туыс-жақындарының, замандастарының қолжазба естеліктері, шығармаларының қолжазбалары; Абай шығармаларының Рахым Жандыбаев, Әміржан Аянбаев қолжазбалары. Абай Құнанбаевтың 150 жылдық мерекесі күндері Қырғызстан, Иран мемлекеті басшыларының, Германиядағы қазақ диаспорасының өкілдерінің, Өзбекстан, Түркия елдерінен келген қонақтарының тарту еткен сыйлықтары. Экспозицияда орналасқан «Зерде» кітабы. Ақынның  1885 жылы өлкетану мұражайына тапсырған жәдігерлері көрсетілді.

Конференцияға Ш.Уəлиханов атындағы Көкшетау университетінің ұстазы мен студенттері М.Мырзахметов зерттеуіндегі Абай Құнанбаевтың «Толық концепциясы»,  Қ. Мұхамедханов абайтанушы ғалым, «Атаның ұлы емес, елінің ұлы» тақырыптарындағы баяндамаларымен бөлісті.

Конференцияға 41 оқушы қатысты. Оқушылар баяндамаларды қызығушылықпен тыңдап, өздерін қызықтырған сұрақтарын қойып, сол сұрақтарына жауап алды. 

Болашақта осындай тәжірибелі және маңызды конференциялардың өтуін қолдаймыз.